image-2000x150px
image-123
image-ads_atlas
image-osotlwxveffnl38zuzjbtizk7k2vhge6qdzyedwdbackend

Qobustan Heyvandarlıq Nümayiş Kompleksi istifadəyə verilib – FOTOLAR

image-728x90px

Qobustan Heyvandarlıq Nümayiş Kompleksi istifadəyə verilib. Ölkədə bu konsepsiyada ilk olan komleksin fəaliyyətinin məqsədi xarici cins damazlıq heyvanlarla yanaşı, yerli cins heyvanların da satışının təşkil edilməsi ilə fermerlərin cins heyvanlara əlçatanlığına nail olunması, yerli damazlıq təsərrüfatların yetişdirdiyi heyvanların satışını stimullaşdırmaqla onların inkişafına təkan vermək,  ölkədə heyvanların cins tərkibinin yaxşılaşdırılmasına nail olmaq, damazlıq təsərrüfatlar arasında koordinasiya yaratmaqdır.

Heyvandarlıq kompleksi sərgi salonundan, auksion mərkəzindən, ferma, sağım məntəqəsi, heyvanlara tibbi yardım məntəqəsi və digər funskional və yardımçı binalardan ibarətdir. Ümumilikdə, 8 hektara yaxın ərazidə inşa edilən kompleksdə fəaliyyət göstərən, müasir avadanlıqlarla təchiz edilmiş fermalarda 100 baş iribuynuzlu və 400 baş kiçikbuynuzlu heyvanın saxlanması nəzərdə tutulur. Hər bir ferma üçün yardımçı tikililər zəruri texniki avadanlıqla təchiz olunub. Heyvanlara xüsusi baytar və zootexniklər vasitəsilə qulluq edilərək tibbi müayinədən keçiriləcək. Heyvanlar haqqında məlumat xüsusi çipləşdirilmiş birkalar vasitəsilə mərkəzi serverdə toplanır və mütəmadi izləniləcək.

Sərgi salonuna gələn ziyarətçilər ölkədə və Avropada satışda olan heyvanlar haqqında video çarx və satış nümayəndələri vasitəsilə onların məhsuldarlığı, şəcərəsi, cins tərkibi, saxlanılma şəraiti barədə ətraflı məlumat əldə edə biləcəklər. Bundan başqa, həftə ərzində sərgi salonunda satışda olan damazlıq heyvanların virtual nümayişi mütəmadi olaraq həyata keçiriləcək. Həmçinin, kompleksin daxilində heyvan satışını həyata keçirən lizniq şirkətləri, heyvanların sığrotalanması üçün sığorta şirkətləri fəaliyyət göstərəcək.  Bu müasir kompleks heyvan alqı-satqısı zamanı bütün prosesləri fermerlər üçün daha əlçatan edir. Belə ki, bütün alqı-satqı, sığorta, lizinq, güzəşt tətbiqi prosesləri vahid mərkəzdə həyata keçirilməklə, xidmətlərin operativliyi və şəffaflığı təmin edilir.

Kompleksin ən trend məntəqələrindən biri də auksion mərkəzidir. Burada satışa çıxarılan heyvanlar akusion səhnəsində nümayiş olunacaq. Heyvanlar haqqında canlı və interaktiv məlumat veriləcək. Mərkəzdə auksion formatına uyğun heyvan satışı həyata keçiriləcək. Heyvanın satışı son qiymətə uyğun rəsmiləşdiriləcək və sığorta şirkəti tərəfindən sığortalanacaq. Satış auksionlarının həftədə 1 gün keçirilməsi nəzərdə tutulub. Auksiona yerli damazlıq təsərrüfatlarda yetişdirilən heyvanlarla yanaşı, Avropadan gətirilən heyvanlar da çıxarılacaq. Gələcəkdə Avropada keçirilən damazlıq heyvan auksionlarının birbaşa interaktiv formatda təşkil olunması ilə bağlı işlər görüləcək.

Qeyd edək ki, kompleksin fəaliyyətə başlamasına həsr olunmuş tədbir çərçivəsində mərkəzdə auksion formatına uyğun heyvan satışı həyata keçirilib.  Hərraca çıxarılan “Brown-Şviss”, “Holştein-Friz” cins inəkləri və “Lacoune”,  “Ile De France” cins qoyunları öz alıcılarını tapıb.

DOĞRU.AZ

image-upch5vtvgmy3d1qmndunea6htxsogzprorinekrr image-ilovx9lrh0exysquw92j3qk4zzuqmnu99vo9loa5 image-6vla6jejtzr582z6qog6qshs8ly2o0tzresxcg7c image-syun7xgvred1pwzzmn1ftqkvmtkyfhqymcabraso image-no3f8okxmu1agtloc6pkk68dbi5lj98yrwmgywd4 image-uktc6y7ke3xscwiyr2eameracbovbenxh48tlsbh image-gkhm2mekd7b84boisoujsvwjcsipijrwtq09nteg image-0uy9kg0zcuylovz7eqnsbpweqeoeitwont81nnie image-ukhlkn1uz8k5d0sqq1aanozk6otpvcafuwouyw9y image-fgltxq0xfgvu1yzxfxcnqzukoge3pu81il5e8vs0 image-yjemzjnrescj3ldyw4cqcwpwmvjrjtrz0t2tr8m5 image-s0jm3wurx67cehmkdeaxwln2qxvsrqk5p6mj2hsh image-oi40jppwmfnpzbjpfgu6nn6itsorcoewhavtrzby image-jlvslc3fjy3qfhaz9ghickyanbyuiv7maebcx1l6 image-wpcxq2mc8lvr6lprajspa9ffcyrvvwvjxnxmwkbl

image-nerjbanner

  • whatsapp
  • messenger
  • telegram
  • vkontakte
  • odnoklassniki