İsveçli iqlim fəalı Qreta Tunberq Qəzza zolağına gedən donanmada saxlanıldıqdan sonra oktyabrın 6-da İsraildən Yunanıstana deportasiya ediləcək.
Doğru.az xəbər verir ki, Anadolu agentliyinin məlumatına görə, bu uçuşla ümumilikdə 165 fəal ölkədən çıxarılacaq. Məqalədə qeyd olunur ki, Tunberq Yunanıstan vətəndaşları ilə birlikdə deportasiya ediləcək.
The Guardian daha əvvəl yazmışdı ki, fəal İsraildə yataq böcəkləri ilə dolu bir kamerada saxlanılıb və susuz vəziyyətdə qalıb.
Bundan əlavə, CBS qeyd edib ki, Tunberqin də iştirak etdiyi flotiliyanın gəmilərinə qarşı hərbi əməliyyatların keçirilməsini İsrailin baş naziri Binyamin Netanyahu şəxsən təsdiqləyib.
DOĞRU.AZ
