Rusiya Xarici İşlər Nazirliyinin sözçüsü Mariya Zaxarova keçirdiyi brifinqdə İsveçin NATO-ya üzvlüyünün regionda təhlükəsizliyə mənfi təsir edəcəyini bildirib.
Diplomat Türkiyənin İsveçin Şimali Atlantika Alyansına üzvlüyünü ratifikasiya etməsini belə şərh edib. Onun fikrincə, ölkənin NATO-ya daxil olması isveçlilərin təhlükəsizlik hissini artırmayacaq.
Zaxarova vurğulayıb ki, Rusiya İsveçin alyansa qoşulmasından sonra təhlükəsizliyinə təhdidlərə yol verməyəcək və NATO qüvvələrinin yerləşdirilməsindən asılı olaraq cavab tədbirləri görəcək.
Mənbə: Lenta.ru
