Serbiyada ölkə parlamentinə növbədənkənar seçkilərdə səkkiz seçki məntəqəsində təkrar səsvermə keçirilib.
Tanjiq agentliyinin məlumatına görə, Respublika Seçki Komissiyası (REK) bu seçki məntəqələrində təkrar səsvermənin keçirilməsinə göstəriş verib.
Səsvermənin ikinci turu Backi Petrovac kəndində iki, Bela Palankada üç, Beocin, Mionica və Petrovac na Mlavi bələdiyyələrinin hər birində bir seçki məntəqəsində keçirilib. Səsvermə yanvarın 2-də yerli vaxtla saat 7:00-da başlayıb və 20:00-da başa çatıb. 5352 bülleten çap olunub.
Serbiyada etirazlar dekabrın 17-də keçirilən və “Aleksandar Vucic – Serbiya dayanmamalıdır” koalisiyasının qalib gəldiyi növbədənkənar parlament seçkilərinin nəticələrindən sonra başlayıb. 23 faizdən çox səs toplayan müxalifət hakimiyyəti seçkiləri saxtalaşdırmaqda ittiham edib. Dekabrın 24-də müxalifət nümayəndələri seçkinin nəticələrinin ləğvini tələb edərək Məclis binasını bağlayıblar. Serbiyanın Təhlükəsizlik və İnformasiya Agentliyinin keçmiş rəhbəri Aleksandr Vulin bildirib ki, Qərb parlament seçkilərindən sonra dekabrın 17-də başlayan etirazlara dəstək verməklə Serbiyada Belarus ssenarisini təkrarlamağa çalışıb.
Mənbə: A Haber
