ABŞ-ın keçmiş prezidenti Donald Tramp tərəfdarları qarşısında çıxışı zamanı Rusiyanın Adolf Hitler və Napoleon Bonapartı məğlub etdiyini xatırladıb.
“Hitleri məğlub etdilər. Napoleonu məğlub etdilər. Bu, müharibə maşınıdır”, – Tramp ABŞ-ın Avropadakı NATO müttəfiqləri ilə Rusiya arasındakı “qarşıdurmaya” işarə edərək deyib.
Siyasətçi ABŞ-ın Avropadakı müttəfiqlərinin müdafiə xərclərini artırmalı olduğu fikrini də bildirib. O xatırladıb ki, hazırda Vaşinqtonla fərq 150 milyard dollardır.
Bundan əvvəl CNN xəbər vermişdi ki, ABŞ prezidenti Co Bayden öz komandasına Trampı dəli kimi təqdim etməyi tapşırıb.
Mənbə: Haber Global