Yaponiya və ABŞ prezident Donald Trampın Tokioya səfərini əlaqələndirirlər.
Doğru.az xəbər verir ki, Kyodo agentliyinin məlumatına görə, səfərin ilkin olaraq oktyabrın 27-nə təyin edildiyi bildirilir.
Planlaşdırılan sammitdə Tramp və Yaponiyanın yeni lideri iki ölkə arasındakı ittifaqın əhəmiyyətini bir daha vurğulayacaqlar. Bu, Trampın bu ilin yanvarında Ağ Evə qayıtdıqdan sonra Yaponiyaya ilk səfəri olacaq.
Məlumata görə, ABŞ lideri daha sonra Asiya-Sakit Okean İqtisadi Əməkdaşlıq Təşkilatının (APEC) sammitində iştirak etmək üçün Cənubi Koreyaya da səfər etməyi planlaşdırır.
Qeyd edək ki, sentyabr ayında ABŞ və Yaponiya tarixlərində ən böyük birgə hərbi təlim – “Qətiyyətli Əjdaha 25” manevrlərini keçirmişdilər.
DOĞRU.AZ
