Alman müdafiə konserni Rheinmetall 2024-cü ildə Ukraynaya bərpa edilmiş 25 Leopard 1A5 tankı tədarük edəcək.
Bu barədə konsernin saytında məlumat verilib.
Söhbət hazırda Unterlüs və Kasseldəki Rheinmetall zavodlarında təmir olunan bərpa edilmiş Leopard 1A5 tanklarından gedir. Şirkət alışın dəqiq dəyərini açıqlamasa da, buna on milyonlarla avro xərclənəcəyini qeyd edib. Şirkət qeyd edib ki, məbləğə təlim, logistika, ehtiyat hissələri, texniki xidmət və dəstək xidmətləri ilə bağlı xərclər daxildir.
Şirkət həmçinin Ukrayna Silahlı Qüvvələrini beş tank traktoru və iki sürücülük trenajoru ilə təmin edəcək. Onlar izah etdilər ki, Ukrayna üçün Rheinmetall sifarişi birbaşa Almaniya hökuməti tərəfindən maliyyələşdirilir.
Mənbə: A Haber
