18 yaşadək futbolçulardan ibarət Azərbaycan milli komandası Özbəkistan yığması ilə yoxlama oyunları keçirəcək.
Doğru.az xəbər verir ki, bu barədə məlumatı Özbəkistan mətbuatı yayıb. Bildirilir ki, Azərbaycan U-18 millisi oktyabr ayında Daşkənddə təlim-məşq toplanışında olacaq və həmin müddətdə yerli komanda ilə iki dəfə qarşılaşacaq.
Yoxlama oyunlarının oktyabrın 9-u və 12-də baş tutacağı planlaşdırılır.
Qeyd edək ki, Azərbaycan və Özbəkistan U-20 milliləri arasında əməkdaşlıq çərçivəsində, hər iki ölkə 2027-ci ildə gənclər arasında dünya çempionatına birgə ev sahibliyi etmək üçün FIFA-ya müraciət edib.
DOĞRU.AZ
