Belarus hakimiyyəti Litvada qeydiyyatdan keçmiş qoşqu və yarımqoşquların yükdaşıma əməliyyatları üçün respublika daxilində hərəkət etməsinə icazə verib.
Doğru.az xəbər verir ki, bu barədə Belarus Nazirlər Kabinetinin qərarında bildirilib.
Qərarda həmçinin qeyd olunub ki, beynəlxalq yük daşıma qaimələri üzrə Polşa qeydiyyatlı qoşqu və yarımqoşquların Belarus ərazisindən keçməsi qadağan olunur. Bu məhdudiyyətlər gələn il dekabrın 31-dək qüvvədə olacaq.
Belarus Dövlət Gömrük Komitəsinin məlumatına görə, Varşava noyabrın 17-də Minskə iki sərhəd-keçid məntəqəsinin açılması barədə məlumat verib.
DOĞRU.AZ
