Fransalı siyasətçi, Vətənpərvərlər Partiyasının lideri Florian Filippot ölkə vətəndaşlarını Ukrayna münaqişəsində iştirak etməməyə çağırıb. O, sosial şəbəkə X-də paylaşım edərək hökumətin mövqeyini tənqid edib.
Doğru.az xəbər verir ki, siyasətçi paylaşımında belə yazıb: “Biz bunu deyirik və həmişəkindən daha yüksək səslə təkrar edirik: ‘Makron, biz Ukrayna uğrunda döyüşməyəcəyik!’ Ayağa qalxaq!”
Filippot eyni zamanda yaxın zamanda genişmiqyaslı hərbi münaqişənin başlaya biləcəyi barədə danışan siyasətçiləri “dəli” adlandırıb.
O, bundan əvvəl də Avropa İttifaqını Ukraynada sülhün əldə olunmasına mane olmaq üçün əlindən gələni etməkdə ittiham etmişdi.
DOĞRU.AZ
