İranın xarici işlər naziri Abbas Əraqçi bildirib ki, ölkə dinc məqsədlər üçün uranın zənginləşdirilməsini davam etdirmək niyyətindədir və raket proqramı ilə bağlı danışıqları istisna edir.
Doğru.az xəbər verir ki, Əraqçi Əl-Cəzirə telekanalına açıqlamasında deyib:
“Biz uranın zənginləşdirilməsini dayandıra bilmərik və [düşmənin] hərbi yolla əldə etmədiyi şeyə siyasi yolla nail olmaq mümkün deyil.”
Nazir həmçinin vurğulayıb ki, İran tərəfi raket proqramının hərbi komponentindən imtina etməyə razı olmayacaq.
Bundan əvvəl İran prezidenti Məsud Pezeşkian bəyan etmişdi ki, ölkə beynəlxalq hüquq normalarına uyğun olaraq uranı zənginləşdirməyə davam edəcək.
DOĞRU.AZ
