Çeçenistan rəhbəri Ramzan Kadırov daha bir könüllü qrupunun Qroznı hava limanından SVO zonasına yola düşdüyünü açıqlayıb.
Doğru.az xəbər verir ki, Kadırov bildirib: Axmat xüsusi təyinatlı dəstəsində xidmətə namizədlər dünyanın ən yaxşı təlimatçılarının rəhbərliyi altında intensiv döyüş və taktiki hazırlıq keçiblər.
Onun sözlərinə görə, təlimlər Qudermesdəki Vladimir Putin adına Rusiya Xüsusi Təyinatlı Qüvvələri Universitetində baş tutub:
“Burada onlar tapşırılan vəzifələri effektiv yerinə yetirmək üçün lazım olan bacarıq və biliklərə yiyələniblər.”
Kadırov vurğulayıb ki, döyüşçülər qalibiyyət əzmindədir və onların bir qismi üçün bu, SVO zonasına ikinci və ya üçüncü göndərilmədir.
O əlavə edib ki, könüllülər arasında yalnız Çeçenistan sakinləri deyil, Rusiyanın müxtəlif bölgələrindən gələn şəxslər də var:
“Onları birləşdirən ümumi ideya və məqsəddir. Əsas məqsəd isə Rusiyanın maraqlarını qorumaq və Ukrayna nasistlərinə qalib gəlməkdir.”
Kadırov daha əvvəl Rusiyanın əsrlər boyu xalqların qardaşlığının nümunəsi olduğunu vurğulamışdı.
Qeyd edək ki, o, oktyabrın əvvəlində respublikadan xüsusi əməliyyat zonasına ümumilikdə 64 137 döyüşçünün, o cümlədən 22 986 könüllünün göndərildiyini açıqlamışdı.
DOĞRU.AZ
