ABŞ və müttəfiqlərinin anti-Rusiya siyasətindən əl çəkəcəyi təqdirdə Rusiya Qərblə silahlara nəzarət üzrə dialoqu bərpa etməyə hazırdır.
Bunu TASS-a müsahibəsində Rusiyanın xarici işlər naziri Sergey Lavrov deyib.
“Yeni START Müqaviləsi və onu əvəz edəcək bir şey haqqında saziş üzrə ABŞ-la dialoq perspektivlərinə gəlincə, biz açıq şəkildə bildirdik ki, Vaşinqton anti-Rusiya kursundan əl çəkmədən dialoq mümkün deyil”, – Rusiya XİN rəhbəri bildirib.
Lavrovun sözlərinə görə, Rusiya nəzarət ideyasına qarşı deyil, lakin hesab edir ki, istənilən dialoq o halda mümkün olacaq ki, Qərb Rusiya Federasiyasının bərabərlik və maraqlarına hörmət prinsiplərinə əməl etsin, həmçinin yeni geosiyasi reallıqları qəbul etsin. Əks halda istənilən danışıqlar mənasız olacaq.
