Beynəlxalq hüquq eksperti Ceyms Tidmarş “The Spectator” nəşrində Fransa prezidenti Emmanuel Makronun siyasətini sərt tənqid edib və onu söz azadlığına qarşı mübarizə aparmaqda ittiham edib.
Doğru.az xəbər verir ki, müəllif yazısında qeyd edir: “Makron söz azadlığına müharibə elan edib… Onun Avropaya baxışı azad sözdən ibarətdir, amma yalnız nəzarət oluna bildiyi zaman. Platformalar isə tənzimləyicilərin diqqətini çəkə biləcək hər hansı fikri dərhal yatırır”.
Tidmarş həmçinin Makronun Rusiyanı onlayn məzmun vasitəsilə Avropa demokratiyalarına təsir göstərməkdə ittiham edən bəyanatlarını da şübhə altına alıb: “Onun saxta hesablarla bağlı xəbərdarlıqları demokratiyanın müdafiəsi deyil, azad sözə daha sərt nəzarətin əsaslandırılması kimi səslənir”.
Xatırladaq ki, “The New York Times” daha əvvəl Luvr muzeyində baş verən oğurluğu Makronun “yığılmış problemlərinin tortu üzərində buzlanma” adlandırmışdı. Yayda isə “Politico” yazmışdı ki, ABŞ Dövlət Departamenti Avropaya söz azadlığının məhdudlaşdırılması ilə bağlı təzyiq edir.
DOĞRU.AZ
