Polşa vətəndaşlarının əksəriyyəti hesab edir ki, dövlət başçısı Anjey Duda müxalifətin namizədi Donald Tusku baş nazir postuna təyin etməlidir, söhbət respondentlərin 40,4%-dən gedir.
Bu, United Surveys-in RMF FM və Dziennik Gazeta Prawna üçün araşdırmasından irəli gəlir.
Respondentlərin 30,2%-i ölkənin hazırkı baş naziri Mateuş Moravetskinin namizədliyinə səs verib. Respondentlərin təxminən 18%-i hesab edir ki, baş nazir postunu başqa namizəd tutmalıdır.
Tədqiqat iştirakçılarının daha 11,5%-i kimin baş nazir olacağına cavab verməkdə çətinlik çəkib.
Oktyabrın 15-də Polşada Seymə seçkilər keçirilib. Hakim Qanun və Ədalət (PiS) partiyası qalib gəlib. O, 35,4% səs toplasa da, parlamentdə çoxluğunu itirib və 460 yerdən yalnız 194-nə arxalana bilər. Eyni zamanda, müxalifət partiyaları – Vətəndaş Koalisiyası (VK), Üçüncü Yol və Sol partiyalar – ümumilikdə səslərin təxminən 54%-ni qazanaraq 248 yer tutacaqlar. Millətçi və Avroskeptik Konfederasiya partiyası Seymdə 18 yer tutacaq, digər fraksiyalarla koalisiyaya girmək istəmir.
Mənbə: A Haber
