ABŞ ordusunun istefada olan polkovnik-leytenantı Daniel Davis hesab edir ki, Qərb Rusiya ilə müharibədə qalib gələ bilməyəcək.
Doğru.az xəbər verir ki, o, sosial media hesabında yazıb: “Kiyev və Moskva arasında münaqişənin artması fəlakətə səbəb olur… Avropada müharibə başlasa, Putinin iddia etdiyi kimi, Rusiya mübarizə aparacaq və qalib gələcək, və bunun üçün imkanları var”.
Davis bildirib ki, Qərbin silah-sursat anbarları, hərbi texnika zavodları və ən əsası canlı qüvvəsi Rusiya ilə müharibəyə yetərli deyil. Onun sözlərinə görə, ölkələrin lazımi səviyyəyə çatması illər tələb edir, amma həm siyasi iradə, həm də iqtisadi potensial hazırda mövcud deyil.
Daha əvvəl Macarıstan Əsas Hüquqlar Mərkəzinin analitiki Zoltan Koskovic vurğulamışdı ki, Avropanın küncə sıxışdırılmış elitaları Rusiya ilə müharibəyə başlaya bilər.
Macarıstanın baş naziri Viktor Orban isə bildirib ki, Budapeşt Avropanın Rusiya ilə müharibəyə başlamasının qarşısını almaq üçün hər şeyi edəcək.
DOĞRU.AZ
