Rumıniya Müdafiə Nazirliyi bildirib ki, noyabrın 22-nə keçən gecə Rumıniya Hərbi Hava Qüvvələrinin iki F-16 Fighting Falcon qırıcı təyyarəsi Ukrayna ilə sərhəddə hava vəziyyətini izləmək üçün Borça şəhərindəki 86-cı aviabazadan havaya qalxıb.
Doğru.az xəbər verir ki, nazirliyin məlumatına görə, təyyarələrin havaya qaldırılmasına səbəb ölkənin hava məkanına pilotsuz uçuş aparatının daxil olma ehtimalı olub.
“İHA-nın Rumıniyanın hava məkanına daxil olması qeydə alınmayıb; F-16 Fighting Falcon təyyarələri Borçadakı bazaya qayıdıb”, – açıqlamada deyilir.
Bundan əvvəl Rusiyanın Buxarestdəki səfirliyi Rumıniya Xarici İşlər Nazirliyinin Rusiya İHA-sının hava məkanını pozması barədə ittihamlarını rədd edib.
Eyni zamanda, Rumıniya Müdafiə Nazirliyi bildirib ki, Ukrayna hərbi təyyarələri 2022-ci ildən bəri Rumıniyanın hava məkanını 7 dəfə pozub.
DOĞRU.AZ
