Yaponiya Xarici İşlər Nazirliyinin rəhbəri Yoko Kamikava bu həftə İsrailə səfər etmək niyyətindədir.
Yapon Dietinin aşağı palatasının büdcə komitəsində danışan Kamikava bildirib ki, şərait imkan verərsə, bu həftənin ikinci yarısında İsrailə səfər edəcək.
Nazir qeyd edib ki, Tokio İsrail və Fələstin arasındakı münaqişənin həllinə yönəlmiş diplomatik səyləri davam etdirəcək.
Bundan əvvəl Yaponiya hökumətinin Fələstinin HƏMAS radikal qruplaşması ilə əlaqəsi olan şəxslərə və şirkətlərə qarşı sanksiyalar tətbiq etdiyi bildirilirdi. Məhdudiyyətlərə radikal hərəkatı maliyyələşdirməyə kömək edən fiziki şəxslərin və şirkətlərin maliyyə aktivlərinin dondurulması daxildir.
Mənbə: BBC
