image-2000x150px
image-123
image-ads_atlas
image-3x50d74wd7k1giy6syvl57xbivnzrir6sbacib0rbackend

Yazlıq və çoxillik əkin bəyanlarının qəbulu davam edir

image-728x90px

Yazlıq və çoxillik əkin bəyanlarının qəbulu prosesi davam edir. Kənd Təsərrüfatı Nazirliyi yanında Aqrar Kredit və İnkişaf Agentliyindən (AKİA) verilən məlumata görə, 31 may tarixinə qədər yazlıq və çoxillik əkinlər bəyan olunmalıdır. Fermerlər eagro.az saytı vasitəsi ilə onlayn şəkildə bilavasitə özləri və ya Dövlət Aqrar İnkişaf Mərkəzləri (DAİM), eləcə də regional ASAN xidmət mərkəzlərinə, həmçinin Xaçmaz və Yevlax KOB evlərinə müraciət etməklə əkinləri bəyan edə bilərlər.

Fermer bəyan edərkən Elektron Kənd Təsərrüfatı İnformasiya Sistemində (EKTİS) elektron kabineti aktivləşdirməli, əkilən və ya yerdə mövcud bitkini doğru seçməli, bəyan hektarının konturlarını və əkin yerini düzgün qeyd etməli, yalnız öz istifadəsində olan ərazidə bəyan etməlidir. Bununla yanaşı, pambıq, şəkər çuğunduru və tütün əkən fermerlər məhsul subsidiyası almaq üçün yazlıq və çoxillik əkin bəyanları dövründə öz bəyanlarını tam və vaxtında EKTİS-ə daxil etməlidirlər.

Qeyd edək ki, bəyanların vaxtında edilməsi monitorinqlərin sürətli və operativ təşkilinə, subsidiyaların qısa vaxtda ödənilməsinə imkan yaradacaq. Vaxtında edilməyən və ya yanlış edilən bəyan nəticəsində fermerlərə əkin subsidiyası ödənilməyəcək. Qanunvericiliklə müəyyən edilmiş bitkilər sığortalanmadığı və torpaq sahələrinin aqrokimyəvi analizi aparılmadığı halda subsidiyalar ödənilmir. Monitorinq zamanı aşkarlanmış yanlış bəyan fermer üçün subsidiyanın az ödənilməsi, yaxud 1 və ya 2 il ödənilməməsi halı ilə nəticələnə bilər. Ödəniş aparıldıqdan sonra yanlış bəyan müəyyən edilərsə, İnzibati Xətalar Məcəlləsinin 411-2-ci maddəsinə əsasən cərimə tətbiq oluna bilər.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki