Avropa Şurasının rəhbəri Çarlz Mişel Ukraynanın Avropa İttifaqına daxil olması ilə bağlı danışıqların tez başlaması çağırışlarını rədd edib, Tagesschau yazır. Onun sözlərinə görə, Kiyev belə bir addımı “təbii olaraq” ata bilər.
“Aİ-yə üzv olan bir sıra dövlətlər üzvlük prosesində növbəti addım barədə qərar verməzdən əvvəl diqqətlə düşünmək istədiklərini açıq şəkildə bildirdilər. Biz dekabr ayında keçiriləcək Aİ sammitinə qədər ortaq mövqeyə gəlmək üçün çox çalışırıq. Bununla belə, siyasi çətinlikləri qiymətləndirməmək olmaz, ən azı ona görə ki, eyni zamanda çətin büdcə qərarları qəbul edilməlidir”, – Mişel bildirib.
2022-ci ilin fevral ayının sonunda Rusiya hərbi əməliyyatlarının başlaması ilə Ukrayna Avropa İttifaqına daxil olmaq üçün səylərini artırıb. Münaqişə fonunda Kiyev Aİ-yə namizəd statusu alıb və 2023-cü ildə üzvlük danışıqları mərhələsinə keçəcəyini vəd edib. Eyni zamanda, iyunun sonuna qədər Ukrayna danışıqlar prosesinə başlamaq üçün zəruri olan 7 şərtdən yalnız ikisini yerinə yetirib.
Mənbə: RİA Novosti
