Almaniyanın İqtisadiyyat naziri Robert Habek ölkədəki büdcə böhranı səbəbindən kansler Olaf Şolzun xahişi ilə BMT-nin İqlim Dəyişikliyi üzrə Çərçivə Konvensiyasının (COP28) Dubayda keçiriləcək 28-ci Tərəflər Konfransına səfərini ləğv edib.
Bu barədə Bild nəşri məlumat yayıb.
Vitse-kansler Robert Habeck (54, Yaşıllar Partiyası) Federal Kansler Olaf Şolzun (SPD) tələbi ilə dekabrın 4-də axşam Dubayda və regionda dünya iqlim konfransına planlaşdırılan səfərini ləğv etdi. Səbəb isə indiki büdcə böhranı olub.
Bundan əvvəl Almaniya Maliyyə Nazirliyi əlavə dövlət xərcləri üçün büdcəni 2023-cü ilin sonuna qədər dondurmuşdu. Bu, ölkənin müxtəlif nazirliklərinin demək olar ki, bütün büdcə ayırmalarına, o cümlədən enerji və elektrik enerjisinin qiymətlərinin saxlanılması üzrə hökumətin tədbirlərinin maliyyələşdirilməsinə, eləcə də İqtisadi Sabitləşdirmə Fonduna (İSF) təsir edəcək. Əlavə ödənişlər yalnız müstəsna hallarda və Maliyyə Nazirliyi tərəfindən təsdiq edildikdən sonra mümkün olacaq ki, büdcəyə lüzumsuz yük qoyulmasın. Bir gün əvvəl Maliyyə Nazirliyi ölkə parlamenti tərəfindən təsdiq edilməli olan cari il üçün əlavə büdcə layihəsini təqdim edib.
Mənbə: Lenta.ru
