Çeçenistanın rəhbəri Ramzan Kadırov özünün Telegram kanalında bildirib ki, noyabrın 16-da daha 150 Rusiya vətəndaşı Qəzza sektorunu tərk edə biləcək.
Bir gün əvvəl Qəzza zolağı ilə Misir arasındakı Rəfah keçid məntəqəsindən daha 88 rusiyalının keçdiyi bildirilirdi. Rusiya Federasiyası Fövqəladə Hallar Nazirliyi aydınlaşdırıb ki, Fələstin-İsrail münaqişəsi zonasından ümumilikdə 297 nəfər təxliyə edilib, onlardan 168 vətəndaş Rusiya ərazisinə gətirilib.
“Daha 150 nəfər sabah (cümə axşamı – Gazeta.Ru) Qəzza zolağından çıxıb sərhədi keçə biləcək. Xilasedicilərdən başqa, diplomatlar, həkimlər və psixoloqlar da həmyerliləri ilə yerində işləyirlər”, – Kadırov yazıb.
Mənbə: A Haber
