Alimlər dekabrın 9-u və 10-da auroraların yaranma ehtimalı yüksək olan G2-G3 səviyyəli maqnit qasırğalarını proqnozlaşdırıblar.
Doğru.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası məlumat yayıb.
Laboratoriyanın Telegram kanalında bildirilir: “G2-G3 səviyyəsində (orta və ya güclü) maqnit qasırğaları dekabrın 9 və 10-da, yəni çərşənbə axşamı və çərşənbə günü gözlənilir”.
Hesablamalara görə, pik təsir dekabrın 9-u günortadan sonra baş verəcək. “Bu, geomaqnit indekslərinin gözlənilən yüksək dəyərləri ilə birləşərək, auroraların formalaşması üçün əlverişli şərait yaradır”, – laboratoriya əlavə edib.
Əvvəllər elm adamları sondan əvvəlki sinifin iki günəş alovunu da qeydə almışdılar.
DOĞRU.AZ
