Müğənni Larisa Dolina məhkəmədə verdiyi ifadədə bildirib ki, Moskvanın mərkəzində yerləşən və satışdan əldə olunan gəlirləri fırıldaqçılara verdiyi mənzil onun əsas yaşayış yeridir. Doğru.az xəbər verir ki, bu barədə məlumat RİA Novosti tərəfindən məhkəmə sənədlərinə istinadla yayılıb. Məhkəmə materiallarında qeyd olunur ki, Dolina bir neçə ay ərzində ona qarşı dələduzluq əməllərinin törədildiyini sübut etməyə çalışıb və nəticədə onun və ailə üzvlərinin əsas yaşadığı mənzilin mülkiyyət hüququnu itirdiyi göstərilib. RT-nin məlumatına görə, daha əvvəl mətbuatda iddiada adı keçən şəxslərlə Dolinanın mənzili üçün yaranmış borclar barədə danışıldığı bildirilmişdi. Həmçinin qeyd olunub ki, müğənni mənzili satarkən özünü təhlükəli cinayətkarların tutulması üçün xüsusi əməliyyatın iştirakçısı hesab edib. Qeyd edək ki, dekabrın 7-də Polina Luryenin vəkili Svetlana Sviridenko bildirib ki, onun müştərisi Ali Məhkəmənin mənzil alqı-satqı əməliyyatını qanuni tanımasını gözləyir.