Finlandiya Nazirlər Kabineti noyabrın 18-nə keçən gecə Rusiya sərhədindəki 4 nəzarət-buraxılış məntəqəsini bağlayıb.
Bu barədə RİA Novosti məlumat yayıb.
Departament aydınlaşdırıb ki, Leninqrad vilayətində Vaalimaa/Torfyanovka, Nuyamaa/Brusniçnoe, İmatra/Svetoqorsk və Kareliyada Niirala/Vyartsilya keçid məntəqələri bağlanacaq.
Nazirlər Kabinetinin bəyanatında deyilir: “Hökumət Finlandiyanın şərq sərhədinin bir hissəsini bağlamaq qərarına gəlib”.
Hökumət əlavə edib ki, Finlandiya və Rusiya arasındakı quru sərhədində beynəlxalq mühafizə üçün müraciətlər Vartius və Salla sərhəd keçidlərinə yönəlib.
Mənbə: RİA Novosti
