İtaliyanın müdafiə naziri Guido Crosetto bildirib ki, Ukraynada möhkəm sülh yalnız hərbi əməliyyatlara əsaslana bilməz, lakin münaqişə tərəfləri arasında siyasi barışıq üçün vaxt hələ çatmayıb.
O, bu fikri Quotidiano Nazionale-yə müsahibəsində bildirib.
“Aydındır ki, davamlı sülh yalnız hərbi əməliyyatlara əsaslana bilməz. Siyasi “barışıq” lazımdır. Bunun vaxtı hələ çatmayıb, amma ümid sonuncu ölür”, – Krosetto bildirib.
Onun sözlərinə görə, mətbuatda Ukraynadakı hadisələrə diqqət zəifləyib, lakin Qərbdən Kiyevə dəstək dəyişməz olaraq qalır.
Bundan əvvəl İtaliya Müdafiə Nazirliyinin rəhbəri Ukraynadakı münaqişənin getdikcə “qanqrenaya” çevrildiyini bildirmişdi.
Mənbə: A Haber
