Belarus prezidenti Aleksandr Lukaşenko Venesuela lideri Nikolas Maduronu dostu adlandırıb və onun yaxın vaxtlarda Belarusa səfər edəcəyinə ümid etdiyini bildirib.
Doğru.az xəbər verir ki, Lukaşenko bu fikirləri Venesuela səfiri Xesus Rafael Salazar Velaskes ilə görüşü zamanı səsləndirib.
Belarus lideri ölkələr arasında daha intensiv və inkişaf etmiş əməkdaşlığa can atdıqlarını vurğulayaraq deyib: “Danılası çox şey var. Sizdən xahiş edirəm, dostum Nikolas Maduroya deyin ki, biz onu Belarusda həmişə gözləyirik. Onun Belarusa səfərinin vaxtı çatıb”.
Qeyd edək ki, noyabrın 23-də Lukaşenko Maduronu 63 yaşı münasibətilə təbrik etmiş və onu “Venesuelanın azadlığı və suverenliyi uğrunda döyüşçü” adlandırmışdı.
DOĞRU.AZ
