Almaniya kansleri Fridrix Merz bildirib ki, işləmək qabiliyyəti olan ukraynalı qaçqınlar sosial müavinətlə yaşamamalı, iş tapmalıdırlar.
Doğru.az xəbər verir ki, onun sözlərini RİA Novosti yayıb.
Merz vurğulayıb: “Bəli, biz həqiqətən də bu qaçqınlara kömək etmək istəyirik. Amma əgər onlar işləyə bilirlərsə, o zaman işləməlidirlər”.
Kansler qeyd edib ki, Almaniyada ukraynalı qaçqınların məşğulluq səviyyəsi hazırda Avropa İttifaqında ən aşağı göstəricilərdən biri olaraq qalır – təxminən 30%. Bəzi Aİ ölkələrində isə bu göstərici 70%-i ötür. Onun sözlərinə görə, bu fərq “qəbuledilməzdir”.
Fridrix Merz əlavə edib ki, Almaniyada ilkin sığınacaq müraciətlərinin sayı son bir ildə 60%-dən çox azalıb.
DOĞRU.AZ
