Polşalı yük maşını sürücüləri Ukrayna ilə sərhəddə etiraz aksiyalarını davam etdirirlər.
Bu barədə RİA Novosti məlumat yayıb.
Agentliyin məlumatına görə, polşalı yük maşınları Ukrayna ilə sərhədi bağlayıb. Buradan ancaq avtobuslar, humanitar yardım daşıyan yük maşınları, tez xarab olan ərzaq və yanacaq çənləri keçir. Hazırda Yaqodin-Doroqusk, Rava-Russkaya-Hrebenne və Krakovets-Korçova keçid məntəqələri bağlanıb.
Qeyd olunur ki, etiraz aksiyası dekabrın 3-dək davam edəcək, lakin hakimiyyət yük maşınlarının tələblərinə qulaq asmasa, daha uzun sürəcək. Polşa tərəfi ukraynalıların yükdaşıma qiymətlərini aşağı salmasından narazıdır. Varşava Avropa İttifaqından Ukrayna daşıyıcıları üçün nəqliyyat vizasız rejimini ləğv etməsini istəyir.
Mənbə: RİA Novosti
