Avtostat analitik agentliyi bildirir ki, 2025-ci ilin oktyabrında Rusiyada yeni minik avtomobilinin orta çəkili qiyməti 3,43 milyon rubl olub.
Doğru.az xəbər verir ki, agentliyin Telegram səhifəsində yayılan məlumatda qeyd olunur: “2025-ci ilin oktyabrında yeni minik avtomobilinin orta qiyməti 3,43 milyon rubl təşkil edib ki, bu da rekord səviyyədir”.
Qeyd olunur ki, 2024-cü ilin avqustundan etibarən ardıcıl 15 ay ərzində yeni avtomobillərin orta qiyməti 3 milyon rublu keçib.
Eyni zamanda, ikinci əl avtomobillərin orta qiyməti də rekord həddə çataraq payızın ortalarında 1,23 milyon rubl olub.
DOĞRU.AZ
