TASS xəbər verir ki, San-Fransiskoda Fələstin tərəfdarı nümayiş və Asiya-Sakit Okean İqtisadi Əməkdaşlıq Təşkilatının (APEC) tədbirlərinə etirazlar səbəbindən polis Moscone Mərkəzinin yaxınlığındakı bir neçə küçəni bağlayıb.
Mərkəzin yaxınlığında toplaşan nümayişçilər Fələstinə dəstək şüarları səsləndirməyə və APEC forumunu ləğv etməyə çağırmağa başlayıblar. Mərkəzə gedən yolu qismən bağlayan polis iki metrlik dəmir barmaqlıqlar quraşdırıb. Eyni zamanda etirazçılardan bəziləri artıq hasara yaxınlaşıblar.
Moscone Mərkəzinə giriş hazırda məhduddur. Polis etirazçıların binanı mühasirəyə almağa cəhd etmələrinə hazır olduqlarını açıqlayıb.
APEC forumunun ərazisində dəyənəklərlə silahlanmış və qoruyucu vasitələr taxmış əlavə polis qüvvələri cəmləşib.
Mənbə: TASS
