Qazaxıstan hökumətinin mətbuat xidməti bildirib ki, respublikanın hakimiyyət orqanları test rejimində Amerikanın SpaceX şirkətinin Starlink texnologiyasından istifadə etməklə 10 kənd məktəbini internetə qoşub.
Bəyanatda iddia olunur ki, 2023-cü ilin oktyabr ayında 10 kənd məktəbi sınaq rejimində SpaceX-in Starlink texnologiyasından istifadə etməklə genişzolaqlı internetə qoşulub. Mətbuat xidmətindən əlavə ediblər ki, bu yolla məlumatların ötürülmə sürəti 200 Mbit/s-ə çatır.
Nəşr qeyd edir ki, ümumilikdə Qazaxıstanın ucqar məntəqələrində iki min təhsil müəssisəsini Starlink-ə birləşdirmək planlaşdırılır.
Bundan əvvəl amerikalı sahibkar Elon Musk demişdi ki, onun Starlink peyk internet biznesi zərərsiz səviyyəyə çatıb.
Mənbə: Gazeta.ru
