ABŞ prezidenti Donald Tramp Honduras hakimiyyətini seçkilərdə səslərin hesablanmasını başa çatdırmadıqları təqdirdə “cəhənnəm cəzası” ilə hədələyib. Amerika lideri iddia edib ki, ölkənin seçki komissiyası qəfil işini dayandırıb.
Doğru.az xəbər verir ki, Tramp Truth Social hesabında belə yazıb:
“Görünür, Honduras prezident seçkilərinin nəticələrini dəyişməyə çalışır. Əgər belədirsə, onları cəhənnəmə qarşıdurma gözləyir!”
Onun sözlərinə görə, yüz minlərlə sakinin səsi hələ də hesablanmalıdır:
“Komissiyanın səslərin hesablanmasını başa çatdırması çox vacibdir… Demokratiya qalib gəlməlidir.”
Noyabrın 30-da keçiriləcək seçkilərdə əsas namizədlər hakim Libre partiyasından Rixi Monkada, Liberal Partiyadan Salvador Nəsrullah və Milli Partiyadan Nəsri Tito Asfur olub. Asfur Trampın açıq ictimai dəstəyini alan namizəd kimi tanınır.
Noyabrın 27-də Rusiya Xarici İşlər Nazirliyinin sözçüsü Mariya Zaxarova bəyan edib ki, Trampın bu dəstəyi Hondurasın daxili işlərinə və seçki prosesinə müdaxilə kimi qiymətləndirilir.
DOĞRU.AZ
