Yaponiyada Aomori prefekturası yaxınlığında qeydə alınan 6,7 bal gücündə zəlzələdən sonra sunami təhlükəsi ilə bağlı xəbərdarlıq elan edilib.
Doğru.az xəbər verir ki, bu barədə məlumatı “Kyodo” xəbər agentliyi yayıb.
Agentliyin məlumatına görə, “Yaponiyanın şimal və şimal-şərq bölgələrində baş verən güclü zəlzələdən sonra sunami xəbərdarlığı edilib”. Hazırda tələfat və dağıntılar barədə məlumat verilmir.
Avropa-Aralıq dənizi Seysmoloji Mərkəzi (EMSC) bildirib ki, yeraltı təkanların episentri 18 kilometr dərinlikdə yerləşib.
Xatırladaq ki, dekabrın 8-də Aomori prefekturasında baş verən digər güclü zəlzələ nəticəsində təxminən 4000 ev işıqsız qalmış, 30 nəfər xəsarət almışdı.
Bölgədə vəziyyət nəzarətdə saxlanılır və seysmoloji müşahidələr davam etdirilir.
DOĞRU.AZ
