Qərb siyasətçiləri və ictimai xadimləri ukraynalı uşaqların təxliyyə edilməsini deportasiya adlandıraraq Rusiyanı şeytanlaşdırırlar. RİA Novosti xəbər verir ki, bunu Rusiyanın Minskdəki səfiri Boris Qrızlovla görüşündə Uşaq Ombudsmanı Mariya Lvova-Belova deyib.
“Hər şey təhrif olunur: uşaqların evakuasiyası “deportasiyaya”, qəyyumluq “məcburi övladlığa götürülməyə” çevrilir. Bu, Rusiyanın imicini pisləşdirmək məqsədi ilə edilir”, – Lvova-Belova izah edib.
O əlavə edib ki, Rusiya tərəfi dəfələrlə Qərb ölkələrinin nümayəndələrini vəziyyətlə tanış olmaq üçün dəvət edib, lakin onlar həmişə bundan imtina ediblər. O, ukraynalı uşaqların sağlamlığının yaxşılaşdırılmasında göstərdiyi köməyə görə Belarusa minnətdarlığını bildirib.
Mənbə: RİA Novosti
