NATO-nun baş katibi Mark Rutte oktyabrın 21–22-də Vaşinqtona səfər edəcək və burada ABŞ prezidenti Donald Trampla görüşəcək.
Doğru.az xəbər verir ki, bu barədə alyansın yaydığı press-relizdə məlumat verilib. Bildirilib ki, “Rutte Vaşinqtona gedəcək və orada baş katib ABŞ prezidenti ilə görüşəcək”. Eyni zamanda, səfər çərçivəsində mətbuat konfransının planlaşdırılmadığı qeyd olunub.
Xatırladaq ki, Mark Rutte daha əvvəl bəyan etmişdi ki, NATO ölkələrinin yarıdan çoxu Ukraynaya təhvil vermək məqsədilə ABŞ silahlarını almağa hazırdır.
DOĞRU.AZ
