“Qarabağ”ın UEFA Çempionlar Liqasının əsas mərhələsində ev oyunlarının yeri müəyyənləşib.
Doğru.az xəbər verir ki, Ağdam təmsilçisi rəqiblərini Tofiq Bəhramov adına Respublika Stadionunda qəbul edəcək. UEFA-nın rəsmi saytında Azərbaycan çempionunun ev matçlarının məhz bu arenada keçiriləcəyi göstərilib.
Klubun mətbuat xidmətinin rəhbəri Anar Hacıyev məlumatı AZƏRTAC-a təsdiqləyib. Qeyd olunur ki, “Qarabağ” Liqa mərhələsində ümumilikdə 8 oyuna çıxacaq: 4-ü evdə, 4-ü səfərdə. Ağdam komandası əsas mərhələyə sentyabrın 16-da Portuqaliyada “Benfika”ya qarşı oyunla başlayacaq. İlk ev matçı isə oktyabrın 1-də Bakıda Danimarkanın “Kopenhagen” komandası ilə olacaq.
DOĞRU.AZ
