Rusiya Şimali Makedoniyada keçiriləcək Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının iclasında iştirak etməyə dəvət olunub.
Xarici işlər nazirinin müavini Aleksandr Qruşkonun RİA Novosti-yə verdiyi məlumata görə, Rusiya Federasiyası iclasda iştirak etməyi planlaşdırır.
“Biz dəvət aldıq. Biz nazirlər səviyyəsində getmək niyyətindəyik, bu, nazirlərin görüşüdür”, – diplomat jurnalistlərə bildirib.
Görüşün noyabrın 30-dan dekabrın 1-dək Skopye şəhərində keçirilməsi planlaşdırılır. Burada ATƏT-ə üzv olan 57 ölkənin Xarici İşlər nazirliklərinin rəhbərləri iştirak edəcək. Nazirlərə dəvətləri bu il şuranın sədri olan Şimali Makedoniyanın xarici işlər naziri Bujar Osmani göndərib.
Mənbə: Lenta.ru
