Bakıda tıxaclar artıq gündəlik həyatın adi bir hissəsinə çevrilib. Saatlarla yolun ortasında dayanmaq, avtobusların gecikməsi, təcili yardım maşınlarının hərəkətinin çətinləşməsi – bunlar yalnız sürücülərin yox, bütün şəhərin problemidir.
Tıxaclar həm vaxt itkisi, həm stress, həm də ekoloji problemlər yaradır. Avtomobil sıxlığı şəhər planlamasında çatışmazlıqların göstəricisidir. Nəqliyyat idarəçiliyi, avtobus xətləri, park yerləri və şəhərin ümumi infrastrukturunun düzgün planlanmaması tıxacların yaranmasına səbəb olur.
Bu vəziyyət bizə bir sual qoyur: Bakını yalnız avtomobillər üçün deyil, insanlara daha rahat yaşamaq üçün necə planlaya bilərik? Düşünmək, tədbir görmək və həll yolları tapmaq artıq vacibdir.
İlqam Cəbiyev
DOĞRU.AZ
