Avropa diplomatiyasının rəhbəri Josep Borrell F-16 qırıcılarının Ukraynaya təhvil verilmə vaxtı ilə bağlı konkret məlumatın olmadığını açıqlayıb.
Onun sözlərinə görə, pilotların hazırlığı davam edir.
“İlk F-16-ların Ukrayna səmasında dəqiq nə vaxt uçacağı ilə bağlı konkret məlumatım yoxdur. Pilot hazırlığı davam edir, bu, vaxt aparacaq” deyə Borrell bildirib.
O, “heç kim pilotları tam təlim olmadan təyyarələri idarə etməyə göndərməyəcək” dedi.
Pentaqon daha əvvəl bildirmişdi ki, ukraynalı pilotlara ABŞ-da dördüncü nəsil F-16 qırıcılarını idarə etmək üçün təlimləri tamamlamaq üçün 5-9 ay vaxt lazımdır.
Mənbə: RİA Novosti