Finlandiya prezidenti Aleksandr Stubb Ukraynada sülhün əldə olunacağı ana hazırlaşmağın vacibliyini bildirib.
Doğru.az xəbər verir ki, dövlət başçısı bunu MTV Uutiset-ə müsahibəsində deyib.
Onun sözlərinə görə, ədalətli sülh üçün bütün şərtlərin tam şəkildə yerinə yetirilməsi real görünməsə də, regionda vəziyyətin dəyişəcəyi an üçün hazırlıqlı olmaq lazımdır. Prezident həmçinin daha əvvəl Qərbin rəhbərlik etdiyi liberal dünya nizamının tükənmək üzrə olduğunu vurğulamışdı. Stubb-un fikrincə, dünya artıq inkişaf etməkdə olan ölkələrin daha böyük rol oynadığı çoxqütblü sistemə doğru dəyişir.
Bundan başqa, Finlandiyanın baş naziri Petteri Orpo Ukraynaya birbaşa təhlükəsizlik zəmanəti verməyə hazır olmadıqlarını bəyan edib.
DOĞRU.AZ
