Fransanın Vətənpərvərlər Partiyasının lideri Florian Filippot ABŞ prezidenti Donald Trampın administrasiyasını Avropa İttifaqını dağıtmağa çağırıb.
Doğru.az xəbər verir ki, siyasətçi bunu sosial şəbəkədə yayımladığı açıqlamada bildirib.
“Bütün dünya Aİ-nin dərin faşist mahiyyətini kəşf edir! Tramp administrasiyası mübarizəni sona qədər aparmalı və bəşəriyyətin rifahı naminə Aİ-ni məhv etməlidir”, – Filippot yazıb.
Siyasətçi ABŞ-ı Aİ-yə rüsumları üç dəfə artırmağa, “avrokratları” ölkədən qadağan etməyə və yalnız suveren milli dövlətləri tanımağa çağırıb. Filippot Avropa İttifaqını “insanlığa qarşı cinayət” adlandırıb.
Xatırladaq ki, bundan əvvəl amerikalı sahibkar İlon Mask X platformasında Avropanın “Dördüncü Reyx” olduğu fikrini paylaşan istifadəçinin yazısını yenidən yayımlamış, Aİ-nin parçalanmasının və ölkələrə suverenliyin bərpa olunmasının zəruri olduğunu bildirmişdi.
DOĞRU.AZ
