Gürcüstan prezidenti Salome Zurabişvili bildirib ki, Avropa İttifaqına (Aİ) üzv olmaq üçün namizəd statusunun verilməsi respublika üçün “atılmış sümük”ə çevrilməməlidir.
France Info-ya müsahibəsində o, bunun ardınca Tbilisinin Avropaya inteqrasiyası üçün başqa addımların atılmasının vacibliyini vurğulayıb.
“Avropa bizə bu qədər asanlıqla status verməməli, onu atılmış sümüyə çevirməməlidir. Bu statusu Avropanın dəstəyi ilə izləmək lazımdır”, – deyə dövlət başçısı bildirib.
Zurabişvili vurğulayıb ki, Gürcüstan və Avropa İttifaqı arasında münasibətlərdə əsas məqam 2024-cü ildə keçiriləcək parlament seçkiləri olacaq. Prezident hesab edir ki, onların nəticələrinə görə, respublika birpartiyalı idarəetmədən koalisiya idarəetməsinə keçməlidir.
Mənbə: Sputnik
