Səudiyyə Ərəbistanının investisiya naziri Xalid bin Əbdüləziz əl-Faleh bildirib ki, Fələstinlə mövcud münaqişəyə baxmayaraq, İsraillə münasibətlərin normallaşdırılması hələ də masadadır.
“Bu müzakirələr aparıldı və Əlahəzrət Vəliəhd açıq şəkildə bildirdi ki, bu müzakirələrin gedişatı Fələstin probleminin sülh yolu ilə həllindən birbaşa asılıdır. Bu məsələ masada idi və hələ də gündəmdədir”, – deyə əl-Faleh bildirib.
O əlavə edib ki, Qəzza zolağında və İsraildə baş verən indiki faciəvi hadisələr yalnız Ər-Riyadın Fələstin məsələsinə baxışını təsdiq edir – onun həlli Yaxın Şərq regionunda daha geniş normallaşmanın bir hissəsi olmalıdır.
Mənbə: Haber Global
