Seysmoloqlar Rusiya Federasiyasının Krasnodar vilayətində, Soçi şəhəri yaxınlığında 4,1 bal gücündə zəlzələ qeydə alıblar.
Doğru.az xəbər verir ki, bu barədə məlumatı Avropa-Aralıq dənizi Seysmoloji Mərkəzi (EMSC) yayıb.
Bildirilib ki, yeraltı təkanlar Moskva vaxtı ilə saat 13:13-də Soçidən 49 kilometr şimal-qərbdə, 10 kilometr dərinlikdə baş verib. Hadisə nəticəsində dağıntılar və tələfatlar barədə məlumat yoxdur.
Qeyd edək ki, bundan əvvəl Şimali Kuril adaları yaxınlığında 4,6 bal gücündə zəlzələ qeydə alınmışdı.
DOĞRU.AZ
