image-2000x150px
image-123
image-ads_atlas
image-py1a8klh0a4xfo9vmh5q8oblbogke79aomqlqjncbackend

“Şəhərdən Kəndə” layihəsi çərçivəsində Zaqatalada fermer təsərrüfatına dəstək göstərilib – FOTO

image-728x90px

İlk dəfə bir aqroturizm təsərrüfatındaÇənlibel” kampinq zonası yaradılıb

Kənd Təsərrüfatı Nazirliyi tərəfindən “Paşa Holdinq”in dəstəyi ilə həyata keçirilən “Şəhərdən Kəndə” layihəsi çərçivəsində regionlarda fəaliyyət göstərən aqroturizm təsərrüfatlarına dəstək tədbirləri davam edir.

Növbəti dəstək göstərilən təsərrüfat Zaqatala rayonunun Qazangül qəsəbəsində yerləşən, fermer Elman Yüzbaşova məxsus “Hope Lake” təsərrüfatı olub. Layihə çərçivəsində görülmüş işlərlə tanış olmaq məqsədilə Zaqatala Rayon İcra Hakimiyyətinin başçısı Mübariz Əhmədzadə və Kənd Təsərrüfatı Nazirliyinin tabeliyindəki “Aqrar Tədarük və Təchizat” ASC-nin İdarə Heyətinin sədri Aqil Quliyev təsərrüfatı ziyarət ediblər.

9 ha ərazisi olan “Hope Lake” təsərrüfatı iri və xırdabuynuzlu heyvanların saxlanılması üzrə ixtisaslaşıb. Eyni zamanda burada arıçılıq və quşçuluqla da məşğul olunur. Tam orqanik məhsul hazırlanması tendensiyası üçün turistlərə təklif olunan qidaların əksəriyyəti (mürəbbələr, kompotlar, turşular, süd və ət məhsulları və s.) təsərrüfatda istehsal olunur. Burada balıqçılıqla məşğul olmaq üçün göl də mövcuddur. Təsərrüfatın bir hissəsində isə üzüm bağı salınıb. Təsərrüfat sahəsi dağ ətəyində yerləşir ki, bu da turistlər üçün dağa çıxmaq, hikinq etmək, dağ yabanı meyvələrindən bəhrələnmək imkanı yaradır.

“Şəhərdən Kəndə” layihəsinin dəstəyi ilə təsərrüfatda yenidənqurma işləri həyata keçirilib, ilk dəfə bir aqroturizm təsərrüfatında “Çənlibel” kampinq zonası yaradılıb. Təsərrüfatda turistlərə göstərilən xidmətin səviyyəsinin artırılması məqsədi ilə hamam və sanitar qovşaq inşa olunub, ərazi abadlaşdırılıb, işıqlandırma işi yenidən təşkil edilib. Eyni zamanda təsərrüfat müxtəlif avadanlıq və əşyalarla (çadır, divan, oturacaq, stol-stul və s.) təmin olunub.

Qeyd edək ki, “Şəhərdən Kəndə” layihəsinin məqsədi ölkəmizdə aqroturizmin inkişaf etdirilməsi, regionlarda yaşayan əhalinin məşğulluğunun artırılması, yerli fermer təsərrüfatları üçün alternativ satış kanalı, eləcə də şəhər sakinləri və xarici turistlər üçün fərqli turizm imkanlarının yaradılmasıdır.

Layihə çərçivəsində bu günə qədər yerli və əcnəbi mütəxəssislər tərəfindən həyata keçirilən təlimlərdə 221 təsərrüfat sahibi iştirak edib. Ümumilikdə isə layihəyə qoşulmaq üçün 200-dən artıq aqrar sahibkar qeydiyyatdan keçib. Baxış keçirilən 177 fermer təsərrüfatından 130-u aqroturizm fəaliyyətləri üçün uyğun hesab edilib.

DOĞRU.AZ

image-qpbdgc2ijq8yeprk684jgeptwrkfcfynk30hqkf4 image-qosjjrtfqv7x79fy9svmyxmpphr2xhvypzyi6u7v image-vpkcmxiaxkzs4tpsw03kgixdghokmf5dtlkvjiiq image-tebx7vnbem5kcyvmuv2jmvecblfuphqdzkjkjyna image-d3leseolkfjtxwcl8mqpw9hfxgqv2ytgfunoowml image-rmjdz1e2cehpld4c2kfgugl3slxiva13ypinpxzs image-5f3jt1unugqcttrwtcr5ebl2ldqdojghtrgxhym5 image-wh3vueyalob6xf9mzvyvobkjyhdt2dibabjwlnbn image-vnm9aqlahvwmrhnbfpjlitwk4xpp8v1d8mmvwplh image-jywsyydff48ts8opwpli7uet07p8bhorhtryppwc image-i6emlecfbdcnjryggspxiwxgxggilrttirljtanf

image-nerjbanner

  • whatsapp
  • messenger
  • telegram
  • vkontakte
  • odnoklassniki