ABŞ prezidenti Donald Tramp Hollywood-u tənqid edərək, hazırda böyük kino ulduzlarının az olduğunu bildirib.
Doğru.az xəbər verir ki, Tramp bu fikri Ağ Evdə Kennedi Mərkəzinin Fəxri mükafatının laureatı aktyor Silvestr Stalloneyə mükafat təqdim edilən mərasimdə səsləndirib. “Mənim dostum, gözəl insan, həqiqətən də görkəmli insan, həqiqətən də böyük kino ulduzlarından biridir. Onun kimilər azdır. Əvvəllər çox idi, indi isə demək olar ki, yoxdur”, – prezident qeyd edib.
Qeyd edək ki, sentyabr ayında amerikalı aktyor Stiven Siqal özünü rus hesab etdiyini açıqlamış və daha sonra kino sənayesinə qayıtmaq üçün Rusiya filmlərində çəkilmək istədiyini bildirmişdi.
DOĞRU.AZ
